نوشہرہ ورکاں: اٹلی پلٹ نوجوان کی بارات، دوستوں نے ڈالر لٹائے
`
نوشہرہ ورکاں (نامہ نگار) ڈالر کی اونچی اڑان کے باوجود نوشہرہ ورکاں کے نوجوانوں نے دوست کی شادی پر ڈالروں کو ہوا میں اڑا دیا۔ اٹلی پلٹ گلفام کی شادی میں دوستوں نے ملکی و غیر ملکی کرنسی کے ساتھ ساتھ قیمتی ملبوسات، موبائل فون اور گھڑیاں نچھاور کیں۔ گلفام کی بارات نوشہرہ ورکاں سے قلعہ دیدار سنگھ گئی جہاں میرج ہال میں داخل ہوتے ہی ڈالروں کی برسات کردی گئی جس پر نہ صرف بن بلائے لوگوں بلکہ باراتی بھی ڈالر اور قیمتی ملبوسات ہوا میں اڑتے دیکھ کر ہاتھ صاف کرنے پہنچ گئے۔ مہمانوں نے خوب ملکی و غیر ملکی کرنسی موبائل فونز اور قیمتی ملبوسات اکٹھے کیے۔ دولہا کے دوستوں کی جانب سے ڈالر کی خوب بے قدری کی گئی۔
ڈالر لٹائے
