لاہور (نمائندہ خصوصی) شہر میں متعدد وارداتوں میں شہری لاکھوں روپے مالیت کی نقدی، زیورات اور دیگر قیمتی اشیاء سے محروم ہو گئے۔ برکی کے علاقہ میں اطہرکے گھر سے فیملی کو یرغمال بنا کر 3لاکھ 60ہزار  اور طلائی زیورات، موبائل فون ودیگر سامان، جوہر ٹائون کے علاقہ میں رزاق کے گھر میں اس کی فیملی سے 3لاکھ 20ہزار  اور طلا ئی زیورات، ہڈیارہ کے علاقے میں ساجد کے گھر سے دو ڈاکو فیملی کو یرغمال بنا کر 2لاکھ 80ہزار اور قیمتی سامان، سبزہ زار میں اختر کے گھر سے فیملی کو یرغمال بنا کر 2لاکھ 60ہزار  اور طلائی زیورات، موبائل فون، لوئر مال کے علاقہ میں مبشر کے گھر میں اس کی فیملی سے 2لاکھ 30ہزار کی نقدی اور طلائی زیورات ودیگر سامان، فیکٹری ایریا کے علاقہ سے ساجد کے گھر سے فیملی کو یرغمال بنا کر 1لاکھ 95ہزار روپے  اور موبائل فون ودیگر سامان، گڑھی شاہوکے علاقہ میں عرفان کی فیملی سے 1لاکھ 70ہزار کی نقدی اور موبائل فون ودیگر سامان، ڈیفنس بی اور گرین ٹائون میں گاڑیاں اور مسلم ٹائون، مناواں اور قلعہ گجر سنگھ میں موٹرسائیکلیں چوری کر لیں گئیں۔