فیصل آباد، سرگودھا (نمائندگان خصوصی) سرگودھا میں نو عمر طالب علم  اور 2 دوشیزاؤں کو زیادتی کا نشانہ بناتے ہوئے تین حواء زادیوں کو اغواء کر لیا گیا۔ پولیس نے متاثرہ طالب علم اور دونوں دوشیزاؤں کو میڈیکل کے لئے ہسپتال بجھوا کر واقعات کے مقدمات درج کر لئے اور مصروف تفتیش ہے۔ ذرائع کے مطابق سرگودھا کے موضع بھابھڑہ میں سکول سے واپسی پر 13 سالہ طالب علم ذیشان کو ضیغم اور کامران نے ورغلا کر اپنی ہوس کا نشانہ بنا ڈالا اور چک 87 شمالی میں دوشیزہ (م) کو یاسر نے گن پوائنٹ پر بے آبرو کر دیا اور فرار ہو گیا۔ اسی طرح چک 46 جنوبی میں دوشیزہ (ز) کو ڈرا دھمکا کر ذکاء اللہ نے عزت لوٹ لی اور فرار ہو گیا۔ جبکہ فیصل آباد کے  نواحی علاقہ میں اوباش نے شادی شدہ خاتون کو ہوس کا نشانہ بنا دیا، تفصیل کے مطابق تھانہ ساہیانوالہ کے علاقہ 23 ج ب کے رہائشی اجمل کی بیوی گھر میں اکیلی موجود تھی کہ اسی دوران ملزم مظہر گھر میں زبردستی گھس گیا اور اسے اسلحہ کے زور پر ڈرا دھمکا کر زبردستی زیادتی کا نشانہ بنانے کے بعد فرار ہو گیا۔ پولیس نے کارروائی کرتے ہوئے نجی ہوٹل میں قائم قحبہ خانے پر چھاپہ مار کر رنگ رلیاں مناتے جوڑے سمیت تین افراد کو گرفتارکر لیا۔