لاہور(نامہ نگار)شہرکے مختلف علاقوں میںڈاکوئوںاور چوروںنے متعدد شہریوں سے لاکھوں روپے ‘ زیورات،موبائل فون، گاڑیاں، موٹر سائیکلیں اور دیگر سامان لوٹ لیا ہے ۔ ڈاکوؤںنے جوہرٹاؤن کے علاقے میں امجد کے گھر گھس کر اہلخانہ کو گن پوائنٹ پر یرغمال بناکر5 لاکھ36 ہزار روپے‘ زیورات، موبائل فون اور دیگر سامان ، گلشن راوی میں یاور اور اس کی فیملی سے گن پوائنٹ پر3 لاکھ10 ہزار روپے‘ طلائی زیورات اور موبائل فون، نواب ٹاؤن کے علاقے میں ماجد سے2 لاکھ79 ہزار روپے مالیت کی نقدی، طلائی زیورات اور موبائل فون، بادامی باغ میں  افضل سے 2 لاکھ روپے اور موبائل فون۔قلعہ گجر سنگھ میں محمود سے ایک لاکھ اورموبائل فون،اقبال ٹاؤن میں عاطف سے85ہزار اور موبائل فون،ملت پارک میں طارق سے70ہزار اور موبائل فون،شادمان میں فیاض سے30ہزارروپے اور مو بائل فون لوٹ لیا ہے ۔چوروںنے راوی روڈ کے علاقے میں الطاف کے گھر کے تالے توڑ کر5 لاکھ روپے مالیت کی نقدی، طلائی زیورات و دیگر سامان چوری کر لیا ہے۔ چوروں نے برکی اور کوٹ لکھپت کے علاقوں سے2کاریں،شفیق آباد کے علاقے سے رکشہ جبکہ نواں کوٹ،شاہدرہ ٹاؤن،اچھرہ،مصری شاہ ، جوہر ٹاؤن ، سندر، اقبال ٹاؤن اور مغلپورہ کے علاقوں سے8موٹر سائیکلیں چوری کر لی ہیں۔