فیروزوالہ( نامہ نگار) جی ٹی روڈ اور شیخوپورہ روڈ پر ٹریفک کے مختلف حادثات میں خاتون سمیت چار افراد ہلاک 8 افراد زخمی ہوگئے جن کو ہسپتال داخل کرا دیا گیا۔ دو زخمیوں کی حالت نازک بیان کی جاتی ہے۔ تھانہ صدر کے علاقہ میں تیر رفتار کار نے موٹر سائیکل کو ٹکر مار دی جس کے نتیجے میں ستارہ ہلاک جبکہ طارق اور اس کی بیوی شدید زخمی ہوگئے جن کو ہسپتال منتقل کردیا گیا ۔ موٹر وے پل کے قریب تیز رفتار گاڑی نے موٹر سوار بہن بھائی کو روند ڈالا جس کے نتیجہ میں 15 سالہ لڑکی ہلاک جبکہ کا بھائی زخمی ہوگیا جسے ہسپتال منتقل کردیا گیا۔ لاہور روڈ پر نالہ سیم کے قریب تیز رفتار گاڑی کی ٹکر سے راہگیر ہلاک ہو گیا ۔کالا خطائی روڈ پر دو رکشے آپس میں ٹکرا گئے جس کے نتیجہ سے 4افراد زخمی ہو گئے۔