لاہور(نامہ نگار)ایس پی ڈولفن زوہیب نصر اللہ رانجھا نے ڈولفن سکواڈ اور پی آر یو کی گزشتہ ہفتے کی کارکردگی رپورٹ سے آگاہ کرتے ہوئے بتایا کہ ہیلپ لائن پرموصول1100کالزپر کارروائی عمل میں لائی گئی ہے ۔سٹاپ اینڈسرچنگ کے دوران79ہزار469سے زائد اشخاص کی چیکنگ عمل میں لائی گئی جبکہ چوری وڈکیتی کی وارداتوں میں ملوث 10 ملزمان گرفتارکئے گئے۔ملزمان کے قبضہ سے 4 موٹرسائیکلیں،7موبائل فون اورہزاروں روپے نقدی برآمدکی گئی۔اسلحہ کیخلاف کریک ڈاؤن کرتے ہوئے 9 پستول ، 4 رائفلز ، میگزین اورمتعددگولیاں قبضہ میں لی گئیں۔منشیات کیخلاف کارروائی کے دوران29 بوتلیں شراب،بیئر کین،چرس و ہیروئن برآمد کی گئیں۔ دورانِ پٹرولنگ 19اشتہاری،120عادی مجرمان گرفتار جبکہ 14 عدالتی مفروران بھی حراست میں لئے گئے۔دورانِ پٹرولنگ کوائف کی تصدیق نہ ہونے پر 99 گاڑیاں وموٹر سائیکلیں تھانوں میں بند جبکہ243اشخاص کے خلاف قانونی کارروائی کی گئی۔ ون ویلنگ میں ملوث 16جبکہ پتنگ بازی میں ملوث 38 ہوائی فائرنگ کرنیوالے3ملزمان گرفتارکئے گئے۔