لاہور(نامہ نگار)میراتھن اور ٹور ڈی لاہور سائیکل ریلی کے دوران ٹریفک کے خصوصی انتظامات کئے گئے تھے ۔سی ٹی او لاہور مستنصر فیروز کا کہنا تھا کہ کانسٹیبل سے لیکر سینئر افسران نے دلجمعی اور مستعدی سے فرائض سرانجام دئیے۔ ایس پی صدر آصف صدیق، ایس پی شہزاد خان تمام تر انتظامات کی سپرویعن کرتے رہے۔ میراتھن اور سائیکل ریس لبرٹی گول چکر سے شروع ہوکر لبرٹی ہی اختتام پذیر ہوگئی۔سی ٹی او لا ہو ر نے کہا کہ میراتھن اور ٹور ڈی لاہور ریلی کے شرکاء اور شہریوں کو ٹریفک کا کوئی مسئلہ نہیں ہوا۔  42 کلومیٹر کیٹیگری کی ریس صبح 7 بجے اور 7 بج کر 30 منٹ پر شروع ہوئی،پنک ریس (سائیکل) خواتین کیٹیگری صبح 7بجکر 30 منٹ پر شروع ہوئی،  فیملی فن ریس میل صبح 9 بجکر 30 منٹ جبکہ فیملی فن ریس صبح 10 بجے شروع ہوئی،  وہیل چیئر کیٹیگری ریس صبح 10 بجکر 20 منٹ پر شروع ہوئی۔