لاہور(خصوصی نامہ نگار)جامعہ اشرفیہ لاہور کے سینئر استاد مولانا عبدالمتین قاسمی کے چھوٹے بھائی حافظ محمود الحسن علالت کے بعد 65 سال کی عمر میںانتقال کر گئے۔ مرحوم حضرت مولانا محمد یوسف کے خادم خاص محمد یعقوب مرحوم کے چھوٹے بیٹے ،انتہائی متقی پرہیز گاراور نیک سیرت انسان تھے۔ انہوںنے 2 بیٹے ،2بیٹیاں اور بیوہ سوگوار چھوڑے مرحوم کی نماز جنازہ تبلیغی مرکز بلال پارک میں ان کے بیٹے حافظ محمد ابوبکر نے پڑھائی۔نماز جنازہ میں علماء وطلباء سمیت تمام شعبہ ہائے زندگی سے وابستہ افراد نے بڑی تعداد میں شرکت کی۔مرحوم کو مقامی قبرستان بیگم پورہ لاہور میں سپرد خاک کر دیا گیا۔