لاہور(نامہ نگار)لاہور پولیس نے انسداد پولیو مہم کے دوران سکیورٹی کے سخت انتظامات کئے ہیں ۔سی سی پی او بلال صدیق کمیانہ نے کہا ہے کہ پولیو وائرس سے بچاؤ کے قطرے پلانے والے ٹیموں،ورکرز کو بھرپور سکیورٹی فراہم کر رہے ہیں۔1200سے زائد پولیس افسران و جوان سکیورٹی ڈیوٹی کے فرائض انجام دے رہے ہیں۔شہر کی 169یونین کونسلز میں 6360 انسدادِپولیو ٹیموں کو مکمل سکیورٹی فراہم کی جا رہی ہے۔سٹی کی37،سول لائنز17،ماڈل ٹاؤن 33،صدر23,اقبال ٹاؤن 19، کینٹ کی40یونین کونسلز میں سکیورٹی دی جا رہی ہے۔تھانوں کی 498 موٹر سائیکلز،83 گاڑیاں پولیو مہم والے علاقوں میں موثر پٹرولنگ کر رہی ہیں۔ایس پیز،ڈی ایس پیز،ایس ایچ اوز انسداد پولیو ٹیموں کو بھرپور سکیورٹی انتظامات کا خود جائزہ لیں۔انسداد پولیو ورکرز،ٹیموں کی حفاظت میں غفلت و کوتاہی کسی صورت برداشت نہیں کی جائے گی۔ڈولفن،پیرو،تھانوں کی ٹیمیں پولیو ویکسینیشن والی یونین کونسلز میں موثر پٹرولنگ یقینی بنائیں۔پولیس ڈویژنل آفسز میں'پولیو ایمرجنسی ڈیسک' تشکیل دیئے گئے ہیں۔صوبائی دارالحکومت میں انسداد پولیو مہم 13 مارچ تا 19 مارچ جاری رہے گی۔