لاہور (نامہ نگار) شہرکے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوؤں نے برکی میں منظور کے گھر گھس کر اہلخانہ کو گن پوائنٹ پر یرغمال بنا کر 8 لاکھ روپے، چوہنگ میں مدثر کے گھرگھس کر 6لاکھ روپے، زیورات، موبائل فون اور دیگر سامان، نواں کوٹ میں مصور اور اس کی فیملی سے گن پوائنٹ پر 3 لاکھ 76 ہزار روپے، زیورات اور موبائل فون، ڈیفنس بی میں سید عاکف علی شاہ کی موبائل شاپ میں گھس کر 6لاکھ روپے اور موبائل فون، مصطفی ٹاؤن  میں بشیر سے گن پوائنٹ پر 2لاکھ روپے اور موبائل فون، شمالی چھاؤنی میں خالد سے 90ہزار روپے اور موبائل فون، ٹاؤن شپ میںدلبر سے 72ہزار روپے اور موبائل فون، اسلام پورہ میں حبیب سے55ہزار اور موبائل فون، گوالمنڈی میں یاور سے 50ہزار روپے اور موبائل فون، لاری اڈہ میں شہزاد سے9ہزار روپے اور موبائل فون لوٹ لیا۔ چوروںنے گوالمنڈی میں رؤف کے گھر سے ڈھائی  لاکھ روپے، غازی آباد، غالب مارکیٹ اور مسلم ٹاؤن سے3کاریں، شاہدرہ سے رکشہ جبکہ غازی روڈ ڈیفنس اے، فیکٹری ایریا، قلعہ گجر سنگھ، گڑھی شاہو ، اسلام پورہ، بادامی باغ، اقبال ٹاؤن، نواب ٹاؤن اور قائد اعظم انڈسٹریل اسٹیٹ سے 9موٹر سائیکلیں چوری کر لیں۔