لاہور(سپورٹس رپورٹر)پاکستان کرکٹ بورڈ نے افغانستان کیخلاف سیریز کیلئے کوچز کا اعلان کردیا۔پی سی بی کے مطابق افغانستان کیخلاف تین میچز کی ٹی ٹونٹی سیریز میں عبدالرحمان قومی ٹیم کے ہیڈ کوچ ہوں گے جبکہ عمرگل بائولنگ اور محمد یوسف بیٹنگ کوچ ہوں گے۔ عبدالمجید فیلڈنگ کوچ ، منصور رانا ٹیم منیجر کی ذمہ داریاں نبھائیں گے۔ ڈرائیکس سائمن ٹرینر، کلف ڈیکن فزیو اور طلحہ اعجاز اینالسٹ ہوں گے۔خیال رہے کہ پاکستان اور افغانستان کے درمیان تین ٹی ٹونٹی میچز 24، 26 اور 27 مارچ کو شارجہ میں کھیلے جائیں گے۔