لاہور(سپورٹس رپورٹر)افغانستان کیخلاف تین ٹی20 میچز کیلئے کپتانی کے فرائض سرانجام دینے والے شاداب خان نے کہا ہے کہ نوجوان ٹیم کو لڑانا چاہتا ہوں تاکہ دلچسپ مقابلے دیکھنے کو ملیں۔نوجوان کھلاڑیوں پر مشتمل ٹیم شاندار ہے، عماد وسیم، فہیم اشرف، عبداللہ شفیق، طیب طاہر، اعظم خان اور صائم ایوب جیسے کرکٹرز بہترین فارم میں ہیں۔ عماد وسیم اور فہیم اشرف بہترین آل راؤنڈرز ہیں انکے ٹیم میں شامل ہونے سے مڈل آرڈر مضبوط ہوگا جبکہ میں خود بطور کپتان ٹیم کیلئے اہم کردار ادا کرنے کی کوشش کروں گا۔اللہ تعالیٰ کا شکر گزار ہوں جس نے ملک کی نمائندگی کا موقع دیا، میری کوشش ہوگی 22 کروڑ عوام کا سر فخر سے بلند کروں، تمام صلاحیتوں کو بروکار لاتے ہوئے جیت کی کوشش کریں گے۔