لاہور(سپورٹس رپورٹر)پاکستان ہاکی فیڈریشن کے زیر اہتمام پی ایچ ایف سلیکشن کمیٹی کی زیر نگرانی جونیئر ایشیا کپ اور جونیئر ہاکی ورلڈ کپ 2023ءمیں شرکت کرنے والی پاکستان جونیئرز ہاکی ٹیم کی تشکیل کے حوالے سے جونیئر ہاکی کھلاڑیوں کے ٹرائلز کے ایچ اے ہاکی کمپلیکس کراچی میں 18 اور 19 مارچ کو صبح 9 بجے سے شام 6 بجے تک منعقد کئے جائیں گے۔ سندھ اور بلوچستان بھر سے جونیئر ہاکی کھلاڑی شرکت کریں گے جبکہ نیشنل ہاکی سٹیڈیم لاہور میں 20 اور 21 مارچ کو صبح 9 بجے سے شام 6 بجے تک پنجاب‘کے پی کے‘ اسلام آباد‘گلگت بلتستان اور آزاد کشمیر بھر سے آنے والے جونیئر ہاکی کھلاڑیوں کے ٹرائلز منعقد ہونگے۔