لاہور (نامہ نگار) شہرکے مختلف علاقوں میں ڈاکوئوں اور چوروں نے شہریوں سے لاکھوں روپے‘ طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے گرین ٹاؤن کے علاقے میں خرم کے گھر گھس کر اہلخانہ کو گن پوائنٹ پر یرغمال بنا کر 5لاکھ 20 ہزار روپے‘ زیورات، موبائل فون اور دیگر سامان ، شمالی چھاؤنی میں صادق اور اس کی فیملی سے گن پوائنٹ پر 5 لاکھ 10 ہزار روپے، زیورات اور موبائل فون، گلبرگ میں یوسف سے 4لاکھ، رائے ونڈ میں عدنان سے ڈھائی لاکھ مور موبائل فون، شفیق آباد میں ارشدسے ڈیڑھ لاکھ  اور موبائل فون، نصیر آباد میں شاہد سے54ہزار اور موبائل فون ، بھاٹی گیٹ میں شوکت سے 46ہزار اور موبائل فون، ڈیفنس میں تنویر سے 39ہزار اور موبائل فون، غازی آباد میں بلال سے26ہزار اور موبائل فون، مغلپورہ میں قادر سے 15ہزار اور موبائل فون، اچھرہ میںناصرسے 7ہزار اور موبائل فون لوٹ لیا ہے۔ چوروں نے بادامی باغ میں غفورکے گھر سے 4لاکھ 30ہزار‘ زیورات و دیگر سامان، گلبرگ، نیوانارکلی اور شادمان سے 3 کاریں، شیراکوٹ سے رکشہ جبکہ گجر پورہ، کاہنہ، بادامی باغ، لاری اڈہ، مناواں، شاہدرہ ٹاؤن اور لوئر مال کے علاقوں سے 7 موٹر سائیکلیں چوری کر لی ہیں۔