کابل (اے پی پی) ایران سے 4ہزار 986 افغان مہاجرین  وطن واپس پہنچ گئے۔ چینی خبر رساں ادارے کے مطابق افغانستان کی مہاجرین اور  ان کی وطن واپسی کے امور کی وزارت  نے جمعرات کو ایک بیان میں بتایا کہ افغان مہاجرین کی وطن واپسی کا سلسلہ جاری ہے اور گزشتہ 2روز  میں 4ہزار 986افغان مہاجرین ایران سے وطن واپس  پہنچے ہیں۔ جبکہ گزشتہ 6ماہ کے دوران 2لاکھ 80ہزار افغان مہاجرین اپنے گھروں کو واپس آئے ہیں۔ افغانستان  کی عبوری حکومت نے مہاجرین کو وطن واپس لوٹنے  پر زور دیا  ہے۔