پنجاب ہاکی ایسوسی ایشن حکام سے طارق بٹ کی ملاقات
لاہور(سپورٹس رپورٹر) پاکستان سپورٹس کمیونٹی کے طارق بٹ نے پنجاب ہاکی ایسوسی ایشن کے دفتر کا دورہ کیا اور پی ایچ اے کے ایسوسی ایٹ سیکرٹری رائے عثمان اکبر کھرل کیساتھ ایک نتیجہ خیز ملاقات کی۔رائے عثمان کھرل نے طارق بٹ کا پی ایچ اے آفس میں خیرمقدم کیا اور ہاکی کے مختلف امور بشمول صوبے میں کھیل کی ترقی اور ہاکی کے آئندہ مقابلوں پر تبادلہ خیال کیا۔ دونوں نے ہاکی کو فروغ دینے اور اس کھیل میں زیادہ سے زیادہ نوجوانوں کو شامل کرنے کے طریقوں پر بھی تبادلہ خیال کیا۔
