شیخوپورہ+ قصور+ پتوکی (نمائندگان نوائے وقت+ نامہ نگار ) ٹریفک حادثات میں خاتون سمیت2افرا د جاں بحق اور ایک ہی خاندان کے 5 افراد زخمی ہو گئے۔ لاہور روڈ کی آبادی کوٹ عبدالمالک کے قریب تیزرفتار گاڑی کی ٹکر سے سائیکل سوار نوجوان زخموں کی تاب نہ لاتے ہوئے جاں بحق ہو گیا، ریسکیواہلکاروں نے نعش کو فیکٹری ایریا پولیس کی تحویل میں د ے دیا ، گاؤں کالیہ کے قریب گاڑی کی ٹکر سے گورنمنٹ کمیونٹی ماڈل سکول کی ٹیچر سدرہ رحمان زخموں کی تاب نہ لاتے ہوئے جاں بحق ہوگئی۔ سائیں دی کھوئی ملتان روڈ پر تیز رفتار ویگن نے رکشہ کو ٹکر ماردی جسکے باعث رکشہ میں سوار خواتین سمیت ایک ہی خاندان کے پانچ افراد جن میں 52 سالہ فاروق‘ 53 سالہ بشیراں بی بی‘ 24 سالہ نگینہ‘ 18 سالہ دانش اور 13 سالہ ڈارا زخمی ہوگئی۔