لاہور (خصوصی نامہ نگار) امیر جماعت اسلامی لاہور ضیاء الدین انصاری ایڈوکیٹ نے کہا ہے کہ ملک میں اسلامی انقلاب کیلئے خواتین الیکشن میں ہراؤل دستے کا کردار ادا کریں گی۔ دنیا میں وقوع پذیر ہونیوالی تبدیلیوں اور انقلابات پر نظر دوڑائیں تو ان سب میں خواتین کا کردار نمایاں ہے۔ جماعت اسلامی لاہور کی مردو خواتین کی قیادت نے انتخابی مہم کی تیاری زور شور شروع کردی ہے۔ جماعت اسلامی خواتین لاہور نے انتخابی مہم کا  باقائدہ آغاز کردیا ہے۔ مرد خواتین انتخابی مہم میں بھر پور حصہ لیں گے اور ہر گلی، محلے، گھراور ہر فرد تک پہنچیں گے۔ لوگوں کو باور کروایں گے کہ نااہل اور مفاد پرست سیاستدانوں نے 75 سالوں سے ملک و قوم کو دونوں ہاتھوں کیساتھ بے دردی سے لوٹا ہے اور معاشی مفلوج بنا دیا ہے۔ اب قوم کی ذمہ داری ہے کہ وہ ووٹ کی امانت کو جماعت اسلامی کی امانت و دیانت والی قیادت کو دے کر آزمائی ہوئی سیاسی پارٹیوں اور حکمرانوں کو مسترد کریں۔ دنیا کے سب بڑا انسانی ترازو بنانے کی تقریب کے شرکاء سے ڈائریکٹر امور خارجہ سمیحہ راحیل قاضی، ڈپٹی سیکرٹری جنرل حلقہ خواتین جماعت اسلامی ثمینہ سعید،ناظمہ حلقہ لاہور عظمی عمران نے کہا کہ جماعت اسلامی کی مجاہد خواتین مردوں کے ساتھ شانہ بشانہ انتخابات میں انقلاب کیلئے قلیدی کردار ادا کریں گی۔