قصور (نمائندہ نوائے وقت) قصور کے نواح راجہ جنگ میں نامعلوم ملزموں نے فائرنگ کر کے ایک شخص کو قتل کر دیا۔ تفصیلات کے مطابق راجہ جنگ کے رہائشی رفیق نے پولیس کو اطلاع دی کہ اس کے پچاس سالہ بھائی حمید خاں کو راجہ جنگ میں موٹر سائیکل سوار نامعلوم ملزموں نے فائرنگ کر کے شدید زخمی کر دیا ہے جس کو قریبی ہسپتال لے جایا گیا مگر وہ زخموں کی تاب نہ لاتے ہوئے جاں بحق ہو گیا پولیس تھانہ راجہ جنگ نے موقع پر پہنچ کر نعش کو قبضہ میں لیکر ملزموں کی تلاش کا آغاز کر دیا۔