فیروزوالہ( نامہ نگار) تھانہ صدر کے علاقہ ورن کے قریب موٹر سائیکل سواروں نے  فائرنگ کر کے نوجوان محمد ناظم کو ہلاک کردیا فرار ہو گئے  پولیس نے جائے وقوعہ پر پہنچ کر شواہد اکٹھے کر لئے۔ ڈی پی او شیخوپورہ نے ملزموں کوجلد گرفتار کرنے کا حکم دے دیا۔ نوجوان دکاندار محمد  ناظم دوکان بند کر کے موٹر سائیکل پر سوار ہو کر اپنے گھر جا رہا تھا جب راستے میں پہنچا تو نامعلوم موٹر سائیکل سوار دو افراد نے اسے روک کر گولیاں مار کر ہلاک کر دیا فرار ہو گئے ۔صدر پولیس نے مقتول کی نعش پوسٹ مارٹم کیلئے ہسپتال بھجوا دی ۔پولیس نے نامعلوم افراد کے خلاف قتل کے الزام میں مقدمہ درج کرلیا۔ چک نمبر29 میں گلی میں اسلحہ لے کر گھومنے سے منع کرنے پر مسلح افراد نے فائرنگ کرکے 2 سگے بھائیوں علی عادل اور ابوبکر کو زخمی کردیا ۔صدر مریدکے پولیس نے واقعہ کی رپورٹ درج کر لی۔