لاہور(سپورٹس رپورٹر) لاہور قلندرز کی انتظامیہ نے ہر میچ میں کامیابی پر انعامات بانٹنے کا سلسلہ فائنل میں بھی جاری رکھا‘پی ایس ایل ٹائٹل کا کامیابی سے دفاع کرنے پر لاہور قلندرز کی انتظامیہ کا سکواڈ میں شامل ہر رکن کو قلندرز سٹی میں پلاٹ دینے کا اعلان کردیا۔فائنل میں شاندار پرفارمنس پر ڈیوڈ ویزے کیلئے آئی فون 14 کا تحفہ کا اعلان کیا گیا۔کپتان شاہین شاہ آفریدی کو آئی فون 14 اور قلندرز سٹی میں ایک کنال کا پلاٹ مل گیا۔عبداللہ شفیق، راشد خان، زمان خان اور فخر زمان کو بھی قلندرز سٹی میں ایک ایک کنال کے پلاٹ مل گئے۔ پی ایس ایل کے کامیاب ترین کپتان کیلئے قلندرز سٹی میں دو کنال کا اضافی پلاٹ بھی دیا گیا۔سی او او اور منیجر لاہور قلندرز نے کہا کہ خواہش ہے شاہین شاہ آفریدی وہاں اپنا فارم ہاؤس بنائیں۔