لاہور(سپورٹس رپورٹر)پاکستان ہاکی فیڈریشن کے زیر اہتمام جونیئر ایشیا کپ اور جونیئر ہاکی ورلڈ کپ 2023کے حوالے سے قومی جونیئر ہاکی ٹیم کی تشکیل کیلئے دوسرے مرحلے میں کھلاڑیوں کے ٹرائلز نیشنل ہاکی سٹیڈیم لاہور میں ہوئے۔نیشنل ہاکی سٹیڈیم لاہور میں ہونیوالے ٹرائلز میں پنجاب، خیبر پختونخواہ ،اسلام آباد، گلگت بلتستان اور آزاد کشمیر سے آنے والے 300سے زائد جونیئر کھلاڑیوں نے شرکت کی۔پی ایچ ایف سلیکشن کمیٹی کے چیئرمین اولمپئن کلیم اللہ خان، اولمپئن ناصر علی، اولمپئن عبدالرحیم خان، اولمپئن شکیل عباسی اور لئیق لاشاری نے ٹرائلز کی نگرانی کی۔ پاکستان ہاکی فیڈریشن کے سیکرٹری جنرل حیدر حسین، لاہور قلندز کے سی ای او عاطف رانا، ڈائریکٹر کرکٹ عاقب جاوید بھی موجود تھے۔