نارنگ منڈی (نمائندہ نوائے وقت) رمضان المبارک میں بھی سوئی گیس کی بدترین بندش جاری ہے۔ سحری وافطاری کے وقت سوئی گیس کی بندش سے گھریلو زندگی مفلوج ہو کر رہ گئی۔ ایک طرف حکومت نے رمضان المبارک میں بجلی وگیس کی لوڈشیڈنگ نہ کرنے کا اعلان کیا ہے تو دوسری جانب نارنگ منڈی میں نماز جمعہ کی ادائیگی کے دوران بجلی کی آنکھ مچولی جاری رہی اور سحری وافطاری کے اوقات میں سوئی گیس کا پریشر بندکردیا جاتا ہے جس سے خواتین کو سحری اور افطاری بناتے وقت شدید مشکلات کا سامنا ہے۔ خواتین سمیت شہریوں کا کہنا تھا سیاسی نمائندے اور فلاحی تنظیمیں بھی سوئی گیس کی بحالی کیلئے کردار ادا نہیں کررہیں۔ سحری وافطاری کے اوقات میں بھی گیس بند کر دی جاتی ہے۔