لاہور (خبرنگار) شہر میں کہیں ہلکی اور کہیں تیز بارش میں بھی لاہور ویسٹ مینجمنٹ کمپنی کا صفائی آپریشن جاری رہا۔ایل ڈبلیو ایم سی آپریشن ٹیمیں بارش کے دوران بھی صفائی فرائض سر انجام دینے کیلئے فیلڈ میں متحرک رہیں۔ سی ای او ایل دبلیو ایم سی بابر صاحب دین کی ہدایت پر افسران اور ورکرز فیلڈ میں موجود رہے اور شہریوں کی سہولت کیلئے بر وقت کوڑے کو ٹھکانے لگایا گیا۔سی ای او ایل ڈبلیو ایم سی بابر صاحب دین کا دوران بارش جاری آپریشن کے بارے میں کہنا تھا کہ نکاسی آب کویقینی بنانے کیلئے شاہراؤں سے شاپنگ بیگزاور ریپرز خاص طور پر ہٹانے کی ہدایت جاری کر دی گئی ہے۔6000 سے زائد ویسٹ کنٹینرز معمول کے مطابق کلیئر کیے جا رہے ہیں۔