لاہور(سپورٹس رپورٹر)پاکستان کے انٹرنیشنل ہاکی پلیئرعبدالحنان شاہد کو  ایمرجنگ پلیئر آف ایشیا 2022ء قرار دے دیا گیا۔عبدالحنان شاہدکوکوریا میں ایشین ہاکی فیڈریشن اجلاس میں ٹرافی دی گئی، حنان شاہدنے انٹرنیشنل ہاکی فیڈریشن کے صدرطیب اکرام سے ٹرافی وصول کی۔واضح رہے کہ حنان شاہداتھلیٹ کمیشن آف ایشین ہاکی فیڈریشن 24-2023 کے رکن بھی بن گئے ہیں۔مزید برآں عبدالحنان شاہدکو اتھلیٹ ایمبیسیڈرآف ایشیا ہاکی فیڈریشن بھی مقررکیا گیا ہے۔