لاہور(سپورٹس رپورٹر) پاکستان ٹینس پلیئر زوہیب افضل ملک نے تاجکستان کے شہر دوشنبہ میں اختتام پذیر ہونیوالے اے ٹی ایف دوشنبہ اوپن انڈر فورٹین کے تیسرے مرحلے میں چاندی کا تمغہ اپنے نام کیا۔بوائز انڈر فورٹین سنگلز فائنل میں زوہیب افضل کا مقابلہ ایرانی کھلاڑی دانیال مستغفورڈ سے ہوا۔ فائنل میچ کے پہلے سیٹ میں مقابلہ دو ‘ دو سے برابر رہا تاہم ایرانی ٹاپ سیڈ پلیئر نے دوسرے اور تیسرے سیٹ میں چھ دو اور چھ صفر کے سکور سے ٹائٹل جیتا۔زوہیب افضل نے سیمی فائنل میں قازقستان کے مارسل الیکسیف کو ہرا کر فائنل میں جگہ بنائی تھی۔اس سے قبل اٹھارہ مارچ کو زوہیب افضل اور عامر مزاری نے کو اے ٹی ایف انڈر فورٹین ڈبلز کے دوسرے مرحلے میں بھی چاندی کے تمغے جیتے۔