فیصل آباد(نمائندہ خصوصی) سی ٹی او نے اقبال سٹیڈیم میں فری آٹا سیل پوائنٹ کا دورہ کیا، تفصیل کے مطابق چیف ٹریفک آفیسر فیصل آباد خالد رشید نے اقبال سٹیڈیم میں فری آٹا سیل پوائنٹ کا دورہ کیا، سی ٹی او نے شہریوں کو آٹا کی فراہمی، ٹریفک کی صورتحال اور سیل پوائنٹ کے اردگرد پارکنگ اور سیکورٹی کی صورتحال کا بھی جائزہ لیا، سی ٹی او خالد رشید نے ٹریفک وارڈنز کو شہریوں کیلئے آسانیاں پیدا کرنے کا حکم دیا ہے، اس موقع پر خالد رشید کا کہنا تھا کہ سیل پوائنٹس پر آنیوالے شہریوں کی گاڑیوں کو مختص جگہ پر پارک کروایا جائے، آٹا لینے کیلئے آنیوالے شہریوں سے وارڈنز نرمی سے پیش آئیں شہریوں سے بدسلوکی کی شکایت پر سخت کاروائی ہو گی، ٹریفک وارڈنز عورتوں اور بزرگ شہریوں کو زیادہ سے زیادہ سہولت فراہم کریں۔