لاہور(نمائندہ خصوصی) پنجاب پولیس ویمن سیفٹی ایپ کی مدد سے خاتون کو چھیڑنے والے ملزم کو گرفتار کرلیا گیا۔ ملزم نے گلبرگ بس سٹاپ پر لڑکی کو زبردستی بائیک پر بٹھانے کی کوشش کی۔ لڑکی کے بارہا انکار کے باوجود لڑکا موٹر سائیکل پر بیٹھنے کیلئے اصرار کرتا رہا۔متاثرہ لڑکی نے پنجاب پولیس ویمن سیفٹی ایپ میں موجود لائیو چیٹ فیچر کے ذریعے پنجاب سیف سٹیز اتھارٹی میں رابطہ کیا۔ سیف سٹی عملہ نے بروقت ایکشن کرواتے ہوئے پولیس ریسپانس یونٹ کو لڑکی کی مدد کیلئے روانہ کیا۔پولیس نے چند منٹوں میں لوکیشن پر پہنچ کر ملزم کو گرفتار کر لیا۔ایس پی سیف سٹیزوقار عظیم نے کہا کہ خواتین کی بروقت راہنمائی اور فوری امداد کیلئے ویمن سیفٹی ایپ بہترین ذریعہ ہے۔اب تک ڈھائی لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں۔