لاہور ( خصوصی نامہ نگار ) مجاہد ملت مولانا محمد عبدالستار خان نیازی ٹرسٹ کے مرکزی صدر میاں غلام شبیر قادری نے جامع مسجد گلزار مدینہ میں اجتماع سے خطاب کرتے ہوئے کہا سیرت مصطفیؐپوری انسانیت کی فلاح کیلئے مشعل راہ ہے۔ تمام مسائل کا حل سیرت مصطفیؐ میں مضمر ہے۔ سیرت رسول عربیؐ پر عمل کرکے ہی ہم ایک قوم بن سکتے ہیں۔ حضور ؐ نے اپنے اخلاق حسنہ درگزر عدل و انصاف ایثار و قربانی ایفاء عہد  صبروقناعت نرم گفتاری مساوات غمخواری سادگی تواضع و انکساری اور حیا داری جیسی عظیم صفات کی بدولت ریاست مدینہ قائم کی۔