گوجرانوالہ‘ لدھیوالہ وڑائچ (نمائندہ خصوصی+ نمائندہ نوائے وقت) درندہ صفت ملزمان نے ذہنی معذورلڑکی کو گن پوائنٹ پر مبینہ اجتماعی زیادتی کا نشانہ بنا ڈالا، سی پی او نے واقعہ کا نوٹس، پولیس نے مقدمہ درج کر کے محلے دار کوگرفتار کر لیا۔ بتایا گیا ہے کہ کوٹ اسحاق کی رہائشی غزالہ بی بی لوگوں کے گھروں میں کام کاج کر کے گزر بسر کرتی ہے جو گزشتہ روز اپنے عزیزوں کے گھر گئی ہوئی تھی کہ اس دوران اس کی 20سالہ ذہنی معذور بیٹی (م) کو محلے دار رانا سعید ورغلا کر اپنے گھر لے گیا جہاں پر پہلے سے موجود اکرم عرف کالو اور دو نامعلوم مسلح افراد نے اسے گن پوائنٹ پر مبینہ نشانہ بناڈالا، سی پی او ایاز سلیم نے واقعہ کانوٹس لے لیا جس پر اروپ پولیس نے لڑکی کومیڈیکل کیلئے ڈسٹرکٹ ہسپتال منتقل کیا اور غزالہ بی بی کی مدعیت میں مقدمہ درج کر کے ملزم سعید کو گرفتار کر لیا ہے جبکہ دیگر ملزمان کی گرفتاری کیلئے ایس پی سول لائنز عثمان سیفی کی زیر نگرانی ٹیمیں تشکیل دیدی گئی ہیں۔