گوجرانوالہ (نمائندہ خصوصی )ملک بھر کے بلدیاتی اداروں کی طرح گوجرانوالہ میں بھی اتحاد سینٹری ورکر سی بی اے یونین میٹرو پولیٹن کارپوریشن کے زیر اہتمام سلام سینی ٹیشن سٹاف ڈے منایا گیا اس موقع پر صفائی کیلئے خدمات سرانجام دینے والے سینٹری ورکر کو سی بی اے یونین کے عہدیداروںنے پھول پیش کئے اور سلیوٹ کیا ،تقریب سے خطاب کرتے ہوئے یونین صدر پرویز مٹو اور جنرل سیکرٹری عمران خالد بٹ نے کہا کہ صفائی کیلئے سینیٹری ورکرز فرنٹ لائن سولجرز،ہر مشکل وقت میں اپنی خدمات کیلئے پیش پیش ہوتے ہیں، ہم سلام سینی ٹیشن ڈے(سینیٹری ورکرزڈے)کے طور پر منا رہے ہیں،اس اقدام کا مقصدفرنٹ لائن پر کام کرنیوالے ان گمنام ہیروز کو خراج تحسین پیش کرنا اور انکے کام کو سراہنا ہے۔