شیخوپورہ(نمائندہ نوائے وقت)بتی چوک شیخوپورہ کی بندش سے ٹریفک کی روانی شدیدمتاثر،شہری شدید مسائل کا شکار ، گھنٹوں ٹریفک جام رہنا معمول بن گیا ، شہریوں کا شدید رد عمل کا اظہار ، اعلیٰ حکام سے فوری نوٹس لینے اور اقدامات اٹھانے کامطالبہ، شہریوں کے مطابق بتی چوک شیخوپورہ جوبیرون اضلاع سے آنے والی ٹریفک کے بہاﺅ کو کنٹرول کرتا ہے جبکہ اس کی توسیع کیلئے مختلف اوقات میں اربوں روپے خرچ کئے گئے ہیں مگر شیخوپورہ کی پہنچان اس کلیدی چوک پر ٹریفک کے بہاﺅ کو مزید موثر بنانے کی بجائے اسے یکسر بند کردیا گیا ہے جس سے اسکی شناخت اور اہمیت ختم ہوکر رہ گئی ہے شہریوں کے مطابق بتی چوک کی بندش کے اقدام سے قبل زمینی حقائق کو مدنظر رکھا گیا نہ ہی ٹریفک کے اصولوں کو سامنے رکھا گیا ہے جس کے باعث یہ فیصلہ عوام کیلئے وبال جان بن چکا ہے، اعلیٰ حکام فوری نوٹس لیں اور بتی چوک کو ٹریفک کیلئے کھولنے سمیت ٹریفک کی روانی برقرار رکھنے کیلئے مربوط اقدامات اٹھائیں۔