نواز شریف کے دورہ سعودی عرب کا شیڈول تبدیل، گیارہ اپریل کو جدہ روانہ ہونگے
جدہ (امیر محمد خان سے) نواز شریف کے دورہ سعودی عرب کے شیڈول میں تبدیلی ہوئی ہے۔ نواز شریف گیارہ اپریل کو سعودی ایئر لائن کی پرواز کے ذریعے جدہ روانہ ہونگے۔ نواز شریف کے ساتھ حسین نواز، اہلیہ اور بچے لندن سے جدہ روانہ ہونگے۔ مریم نواز پارٹی رہنماﺅں کے ساتھ گیارہ اپریل کو لاہور سے جدہ پہنچیں گی۔ نواز شریف کی صاحبزادی اسماءنواز بھی ان کے ساتھ جدہ جائے گی۔ شریف خاندان تین روز مکہ اور جدہ میں قیام کرے گا، پندرہ اپریل کو شریف خاندان کے تمام افراد مدینہ روانہ ہونگے۔ نواز شریف اہلخانہ کے ہمراہ نماز عید کی ادائیگی مدینہ منورہ میں کریں گے۔
