لاہور(نیوز رپورٹر)کنگ ایڈورڈ میڈیکل یونیورسٹی کے شعبہ آفتھلمالوجی کے سربراہ پروفیسر محمد معین نے بطور پرنسپل کالج آفتھلمالوجی اینڈ الائیڈ ویژن سائنسز کے عہدے کا چارج سنبھال لیا۔ وائس چانسلر کنگ ایڈورڈ میڈیکل یونیورسٹی پروفیسر محمود ایاز نے پروفیسر محمد معین کو عہدے کا چارج سنبھالنے پر مبارکباد دی اور خوش آمدید کہا۔ انہوں نے پروفیسر محمد معین کی تعیناتی کو ادارے کیلئے انتہائی خوش آئند قرار دیا ان کا کہنا تھا کہ ٹیم سپرٹ کے جذبے کے ساتھ ادارے کی بہتری اور دکھی انسانیت کی خدمت میں مل کر کام کریں گے۔