زخمی اہلکار کی عیادت ‘سی سی پی او لاہور جناح ہسپتال پہنچ گئے
لاہور(نامہ نگار)سی سی پی او لاہور بلال صدیق کمیانہ نے پولیس مقابلے میں زخمی ہونیوالے اہلکاروں کی عیادت کیلئے جناح ہسپتال کا دورہ کیا۔سی سی پی او لاہور نے زیر علاج ہیڈ کانسٹیبل احسان کی خیریت دریافت کی اور بہادری کیساتھ ڈاکوؤں کا مقابلہ کرنے پر شاباش دی۔بلال صدیق کمیانہ نے شدید زخمی ہونے والے کانسٹیبل محمد عرفان کی والدہ اور دیگر اہل خانہ سے ملاقات کی اور انہیں بھرپور تعاون کی یقین دہانی کروائی اور کہا کہ پولیس شہریوں کی جان و مال کی حفاظت کے دوران اپنی جان خطرے میں ڈالنے والے کانسٹیبل عرفان اور ہیڈ کانسٹیبل احسان کی خدمات اور قربانیوں کو خراج تحسین پیش کرتی ہے۔سی سی پی او نے ڈاکٹرز سے زیر علاج زخمی پولیس اہلکار محمد عرفان کی خیریت بارے دریافت کیااورڈاکٹرز کو پولیس اہلکاروں کو بہترین طبی سہولیات فراہم کرنے کی ہدایت کی۔
