قصور: نامعلوم افراد کی فائرنگ سے تاجر زخمی
قصور (نمائندہ نوائے وقت) تھانہ الہ آباد کی حدود میں نامعلوم افراد کی تاجر پر فائرنگ تاجر شدید زخمی ہوگیا۔ الہ آباد کے نواحی علاقہ نور پور جٹاں کے رہائشی سردار نعیم موٹر سائیکل پر الہ آباد آرہے تھے کہ چونیاں روڈ پر نامعلوم افراد نے فائرنگ کردی جس سے سردار نعیم شدید زخمی ہو گئے زخمی حالت میں لاہور ریفر کردیاگیا۔ پولیس نے نامعلوم ملزموں کیخلاف کارروائی شروع کردی۔
