لاہور (نامہ نگار) آئی جی پنجاب ڈاکٹر عثمان انور نے کہا ہے کہ دوران ڈیوٹی حادثات میں شدید زخمی واوڈنز کو غازی کا خطاب دیا جائے گا جبکہ غازی وارڈنز کو کلاس ون سرٹیفکیٹ‘ ایک لاکھ روپے انعام بھی دیا جائے گا۔ علاوہ ازیں غازی وارڈنز کو ان کی پسند کی پوسٹنگ‘ اعزازی بیج اور دیگر مراعات بھی دی جائیں گی۔ سی ٹی او لاہور مستنصر فیروز نے ایسے تمام وارڈنز سے درخواستیں طلب کر لی ہیں۔ سی ٹی او لاہور کی انچارج ویلفیئر کو دو دن میں ریکارڈ مکمل کرنے کی ہدایت کی ہے۔