لاہور(سپورٹس رپورٹر)دوسرا آل پاکستان سکواش سیٹلائٹ ٹورنامنٹ خیبر پی کے کے عبداللہ نواز نے جیت لیا،فائنل میچ میں خیبرپی کے  کے عبداللہ نواز نے پنجاب کے شعیب حسن کو شکست دی۔فائنل میچ میں شعیب حسن نے پہلا سیٹ 11-3 سے اپنے نام کیا،عبداللہ نواز نے شاندار کم بیک کرتے ہوئے لگاتار تین سیٹس میں کامیابی اپنے نام کی۔عبداللہ نواز نے 11-9، 11-9، 11-6 سے تینوں سیٹ اپنے نام کرکے ٹورنامنٹ جیت لیا۔فائنل میچ کے مہمان خصوصی چیف انجینئر ایریگیشن صداقت لطیف نے کھلاڑیوں میں انعامات تقسیم کیے، صداقت لطیف کا کہنا تھا کہ سکواش کی بحالی کیلئے پنجاب سکواش کی کوششیں قابل تحسین ہیں،انٹرنیشنل سٹیٹ آف دی آرٹ سکواش کمپلیکس بننے سے سکواش میں مزید بہتری آئیگی، ٹورنامنٹ میں پاکستان بھر سے 32 کھلاڑیوں نے حصہ لیا، اس موقع پر ٹورنامنٹ ڈائریکٹر مامون خان بھی موجود تھے۔