رحیم یار خان: پولیس سے مقابلے میں 4 ڈاکو ہلاک، دو فرار ، اسلحہ بر آمد
رحیم یار خان (این این آئی)رحیم یارخان میں پولیس مقابلے میں 4 ڈاکو ہلاک ہوگئے۔پولیس ترجمان کے مطابق رحیم یار خان میں تھانہ احمد پور لمہ کے علاقے خان پور میں دو بچوں کے اغوا میں ملوث ڈاکوؤں اور پولیس کے درمیان مقابلہ ہوا۔پولیس ترجمان نے بتایا کہ پولیس فائرنگ کے نتیجے میں 4 ڈاکو مارے گئے اور 2 فرار ہوگئے۔پولیس کیمطابق ہلاک ڈاکوؤں کے قبضے سے کلاشنکوف اور تین پستولیں برآمد ہوئیں۔
