قصور(نمائندہ نوائے وقت) اسسٹنٹ کمشنرز کے فری آٹا پوائنٹس کے دورے‘تمام تر انتظامات کا جائزہ لیا، تفصیلات کے مطابق اسسٹنٹ کمشنر زچونیاں محمد عامر بٹ، پتوکی محمد اویس چشتی اور کوٹ رادھاکشن ماہین فاطمہ نے اپنی اپنی تحصیلوں میں قائم مفت آٹا پوائنٹس کا دورہ کر کے وہاں پر فری آٹے کی تقسیم کے عمل،ٹرکنگ پوائنٹ، شناختی کارڈ سکینگ، خواتین بزرگ اور شہریوں کیلئے بیٹھنے، سکےورٹی و دیگر انتظامات کا جائزہ لیا۔ اس موقع پر انکا کہنا تھا کہ وزیر اعظم پاکستان کے ویژن اور نگران وزیر اعلیٰ پنجاب محسن نقوی کی ہدایات پر ضلع بھر میں فری آٹے کی تقسیم کا عمل جاری ہے۔ بے نظیر انکم سپورٹ پروگرام میں رجسٹرڈ مستحقین کو مفت آٹے کی فراہمی تیزی کیساتھ ہو رہی ہے۔ علاوہ ازیں تمام اسسٹنٹ کمشنرز نے اپنی اپنی تحصیلوں میں پٹرول پمپس کے پیمانوں اور ریٹس کو چیک کیا اور پیمانوں میں ہیرا پھیری پر متعدد پٹرول پمپس کو بھاری جرمانے عائد کئے۔