مریدکے (نامہ نگار) موٹر سائیکل سواروں کی فائرنگ سے زخمی نسیم عباس ہسپتال میں دم توڑ گیا۔ گزشتہ روز وہ سحری کے بعد نماز پڑھنے کیلئے جا رہا تھا کہ ملزمان نے گولیاں مار دیں۔ سابق قومی کرکٹر، سیالکوٹ ریجن کے کوچ قیصر عباس کے ماموں، مسلم لیگی کونسلر مراتب علی شاہ کے بھائی، انجمن جعفریہ مریدکے کے سینئر نائب صدر سید ابرار حسین کے برادر نسبتی، سابق فرسٹ کلاس کرکٹر سید نسیم عباس کو سپرد خاک کر دیا گیا۔ ان کی نماز جنازہ سہ پہر تین بجے عباس نگر (سلامت پورہ) جنازگاہ میں ادا کی گئی جس میں عوام کی بڑی تعداد نے شرکت کی۔