لاہور(سپورٹس رپورٹر) آسٹریلوی ٹیم کے اہم کھلاڑی سٹیو سمتھ نے پاکستان سپر لیگ کھیلنے کی خواہش کا اظہار کردیا۔پی ایس ایل کی ہر سیزن کے بعد مقبولیت میں مسلسل اضافہ جاری ہے اور دنیا کے صف اول کے کھلاڑی اس لیگ کا حصہ بننا چاہتے ہیں۔لیگ کی مقبولیت کو دیکھتے ہوئے آسٹریلوی کرکٹر سٹیو سمتھ نے پی ایس ایل میں کھیلنے کی خواہش کا اظہار کیا۔سٹیو سمتھ نے اپنی اس خواہش کا اظہار انسٹاگرام پر سوال و جواب کے سیشن میں اس وقت کیا جب ایک صارف کی جانب سے ان سے پاکستانی ٹی ٹونٹی لیگ سے متعلق سوال کیا گیا۔ایک صارف نے سمتھ سے سوال کیا کہ آپ پی ایس ایل کب کھیلیں گے؟ ۔جس کا جواب دیتے ہوئے آسٹریلوی کرکٹر نے کہا کہ مجھے لگتا ہے کہ پی ایس ایل واقعی ایک شاندار ٹورنامنٹ ہے، میں اس میں شرکت کرنا پسند کروں گا۔