لاہور( نوائے وقت رپورٹ) چیئرمین تحریک انصاف عمران خان نےایک بیان میں دعویٰ کیا ہے کہ ان کے سکیورٹی انچارج افتخارگھمن کو اغوا کرلیا گیا ہے۔ان کا مزید کہنا ہے کہ یہ سب لندن پلان کا حصہ ہے جہاں نواز شریف کو پی ٹی آئی کو کچلنے کی یقین دہانی کرائی گئی ہے۔قبل ازیں شیخ رشید سے ٹیلی فونک گفتگو میں عمران خان نے کہا کہ عدلیہ کو متنازع بنایا جارہا ہے، الیکشن ہی جمہوریت کو قائم رکھنےکا بہترین حل ہیں۔چیئرمین پی ٹی آئی عمران خان سے گفتگو میں شیخ رشید کا کہنا تھا کہ حکومت اوراس کے اتحادی الیکشن کرانے میں سنجیدہ نظر نہیں آرہے۔اس کے علاوہ چیئرمین پی ٹی آئی نے کارکنوں سےافطار کےموقع پربھی گفتگو کی اور کہا کہ پیسے لیکر اپنے ضمیر کا سودا کرنا شرک ہے، انسان جب رشوت لیتا ہے تو اس کی غیرت اور عزت چلی جاتی ہے، بزدل آدمی نوازشریف توبن سکتا ہے، لیڈر نہیں بن سکتا۔عزت کا تعلق پیسوں سے نہیں بلکہ سچائی اور انصاف سے ہوتا ہے۔ لیڈر کو دلیر ہونا چاہئے۔ ہمیں موقع ملے گا تو ملک کو اپنے پاﺅں پر کھڑا کریں گے۔

عمران