لاہور(نامہ نگار)پیپلز پارٹی وسطی پنجاب کے انفارمیشن سیکرٹری شہزاد سعید چیمہ نے کہا ہے کہ سنٹرل پنجاب میں پیپلز پارٹی کی ڈیجیٹل فیملی کو خوش آمدید کہتے ہیں۔ڈیجیٹل پلیٹ فارم کو پولیٹکل پلیٹ فارم کی مضبوط سپورٹ فراہم کریں گے۔وہ گزشتہ روز سنٹرل پنجاب انفارمیشن بیورو کے زیر اہتمام زوم میٹنگ میں 30اپریل کو لاہور میں ہونیوالی تقریب کی تیاریوں کے حوالے سے انفارمیشن سیکرٹریز سے خطاب کر رہے تھے۔اجلاس میں30اپریل کو ہونیوالی ڈیجیٹل میڈیا تقریب کیلئے آرگنائزنگ کمیٹی بنانے پر اتفاق ہوا۔جومہمانوں کی فہرست اور دیگر انتظامات کو یقینی بنائے گی۔