لاہور(سپورٹس رپورٹر)قومی کرکٹرز کی لاہور قلندرز کے افطار ڈنر میں شرکت‘خصوصی افطار ڈنر کا اہتمام قلندرز سٹی کے سیلز آفس میں کیا گیا تھا۔ کپتان لاہور قلندرز شاہین شاہ آفریدی، فخر زمان، حارث رؤف اور زمان خان نے شرکت کی ۔ فخر زمان کی سالگرہ کا خصوصی کیک بھی کاٹا گیا۔قومی کرکٹرز کو قلندرز سٹی میں جاری کام پر بھی اپ ڈیٹ دی گئی۔افطار ڈنر اور سالگرہ کی تقریب کی میزبانی چیف ایگزیکٹو لاہور قلندرز عاطف رانا نے کی۔ڈائریکٹر کرکٹ عاقب جاوید نے بھی قلندرز سٹی میں منعقدہ تقریب میں شرکت کی۔