لاہور(نمائندہ خصوصی)باٹا پور پولیس نے کارروائی کرتے 3 رکنی موٹر سائیکل چور گینگ کو گرفتار کر لیا۔ باٹا پور پولیس نے موٹرسائیکل چوری کی وارداتوں میں ملوث ملزمان پرویز، اویس اور اظہر کو گرفتار کر کے ملزمان سے 6 موٹر سائیکلیں، 2 پستول اور گولیاں برآمد کر کے ملزمان کو مزید تفتیش کیلئے انوسٹی گیشن ونگ کے حوالے کر دیا ۔پولیس کا کہنا ہے کہ دوران تفتیش ملزمان نے لاہور کے مختلف علاقوں سے موٹر سائیکلیں چوری کر نے کا اعتراف کیا ہے ۔