شیخوپورہ : ڈسٹرکٹ اینڈ سیشن جج کا ڈسٹرکٹ کورٹس کا دورہ
شیخوپورہ (نمائندہ خصوصی ) ڈسٹرکٹ اینڈ سیشن جج مسز شاہدہ سعید نے سینئر سول جج (سول ڈویژن ) محمد علی قذافی باجوہ اور سٹاف افسر ظفر اقبال کے ہمراہ ڈسٹرکٹ کورٹس شیخوپورہ کا اچانک دورہ کیا۔ جہاں انہوں نے عدالتوں کے اندر اور باہر صفائی ستھرائی کی صورتحال اور سکےورٹی انتظامات کو چیک کرنے کے علاوہ بخشی خانہ میں قیدیوں کی آمد ورفت اور سائلین کو دی جانے والی سہولیات کو بھی چیک کیا۔ کورٹس کمپلیس کی بیرونی دیواروں میں نصب پرانے بجلی کے پول کو ہٹانے کے عمل کو چیک کرتے ہوئے مواقع پر موجود واپڈا افسروں کو ہدایت جاری کی اور محکمہ بلڈنگ کو بیرونی دیوار کے ساتھ نئے پائپ نصب کرنے کی ہدایات جاری کی ۔
