لاہور (نیٹ نیوز)  5ٹی ٹوئنٹی میچز سیریز کے تیسرے میچ میں نیوزی لینڈ نے پاکستان کو سنسی خیز مقابلے کے بعد 4 رنز سے شکست دیدی۔لاہور میں کھیلے میچ میں نیوزی لینڈ نے ٹاس جیت کر بیٹنگ کافیصلہ کیا۔ نیوزی لینڈ کی جانب سے اننگز کا آغاز مایوس کن رہا اور چیڈ بوز کو 7 رنز بنا کر بولڈ ہوگئے، اس کے بعد ویل ینگ بھی 17 رنز بنا کر آؤٹ ہوئے۔ ڈیرل مچل 33 بنا کر شاہین آفریدی کا شکار بنے۔ کپتان ٹام لیتھم کی ذمہ دارانہ اننگز کی بدولت کیویز نے مقررہ 20 اوورز میں 5 وکٹوں کے نقصان پر 163 رنز بنائے۔ ٹام لیتھم 64 رنزبناکر نمایاں رہے۔پاکستان کے شاہین آفریدی اور حارث رؤف نے دو دو جبکہ شاداب خان نے ایک وکٹ حاصل کی۔ہدف کے تعاقب میں قومی ٹیم مقررہ اوورز میں 159 رنز پر ڈھیر ہوگئی، پاکستان کی جانب سے محمد رضوان نے 6، کپتان بابر اعظم نے 1 ، فخر زمان نے 17، صائم ایوب نے 10، شاداب خان نے 16، عماد وسیم نے 3، شاہین ا?فریدی نے 6 ، فہیم اشرف نے 27 رنز کی اننگ کھیلی۔