شیخوپورہ (نامہ نگار خصوصی) سماجی و تاجر رہنما چودھری عبدالرشید کے پوتے ، چودھری آصف رشید کے صاحبزادے چودھری حسن رشید نے جامع مسجد نور اہلسنت وجماعت سے دو ماہ کے دوران قرآ ن پاک حفظ کر لیا حسن رشید کی بھرپور توجہ اورلگن پر تاجروں ، مدرسہ کے اساتذہ کرام اور ساتھی طلبہ نے انہیں مبارکباد دی ہے شیخ ثناء اللہ کے ہمراہ اس موقع پر گفتگو کرتے سماجی وتاجر رہنما چودھری آصف رشید نے کہاکہ قرآن مجید مکمل ضابطہ حیات ہے ہمیں قرآن کریم کی تعلیمات پر عمل پیرا ہونے کی ضرورت ہے ہمیں موجودہ پرفتن صورتحال میں لادینی قوتوں کے خلاف صف آراء ہونے کی ضرورت ہے، آج لادینی قوتیں دین اسلام کے خلاف سازشوں میں مصروف ہیں مختلف ہتھکنڈوں کی صورت میں باطل قوتیں گمراہی پھیلانے میں مصروف عمل ہیں ہمیں باطل قوتوں کے ناپاک عزائم کے خلاف اپنی صفوں میں اتحاد پیدا کرنا ہو گا۔