سعودی عرب میں پاکستانی عمرہ زائرین کی گاڑی کو حادثہ، 9 جاں بحق
ریاض (نیٹ نیوز) سعودی عرب میں عمرہ زائرین کی گاڑی کو خوفناک حادثہ پیش آیا، جس میں 9 پاکستانی جاں بحق ہوگئے۔ حادثہ عمرہ ادائیگی کے بعد ریاض واپس جاتے وقت پیش آیا۔ اطلاع ہے کہ ٹریفک حادثے میں جاں بحق ہونے والوں کا تعلق پنجاب کے علاقے اسلام نگر اور ننکانہ صاحب سے تھا اور وہ وزٹ ویزا پر سعودی عرب گئے تھے۔ مرنے والوں کی شناخت ذوالفقار علی، شہباز علی، امہ عمارہ (اہلیہ شہباز علی)، عماریا بی بی، حرم فاطمہ، محمد داو¿د، تحریم فاطمہ اور حریم فاطمہ کے ناموں سے ہوئی۔ مرنے والوں کا تعلق دو خاندانوں سے تھا، جن میں اہلیہ، بیٹیاں اور بیٹا بھی شامل ہے۔ حادثے میں 4 پاکستانی شہری زخمی ہوئے جن کی شناخت محمد طیب، عبد الہادی، محمد شہباز اور عبد الوہاب کے ناموں سے ہوئی۔
